და რაღა დარჩა ? –

არჩევანი დუმს, და გულგრილობას ლოგინში უწევს,

და მოთმინებაც ზანტად ამთქნარებს, ამ ფილმის ნახვა კიდევ რომ უწევს,

და გულისცემაც ნაბიჯს ანელებს, ძარღვებს მოთოკავს, აქამდე ურჩებს –

აბა, ნალოთარ წარსულს რომ აჰყვეს , ის მომავალსაც დაუჭამს ტუჩებს.

და რაღა დარჩა?

..და ამ კითხვაზე რა ვუპასუხო კი ვიცი უკვე,

დაღმართს აღმართი ვხედავ, გაექცა , ცაში ადის და სულ უხვევს, უხვევს,

უკან მოხედვა მე არ მჭირდება, რას დავინახავ უცხოს და უჩვევს –

ვიცი, წარსული ნაგიჟარია და მომავალსაც გაგიჟდეს, ურჩევს.

და რაღა დარჩა?

..და რაც გადარჩა, დაე, ის გაჰყვეს სიტყვად საუნჯეს,

რაც იყო, ვთქვი მე, – ვამბობ, რაც არის, – და მომავალიც ვერ დამამუნჯებს.

.

ავტორი, გუჯა შვანგირაძე ( გუჯა ბიძია).

.