დღე – სასწაული?

.

და თუ არავის არ დააქვს უბით,

წილხვედრი, – ყველამ იღბალს მიანდო,

და თუ არავინ აიღო შუბიც,

წმინდა გიორგიმ, რომ გადმოაგდო,

და თუ ხეც გახმა, – ფესვზე დასმული

თავზეა, მღილი, და მისი გვარი,

და ალესილი, ტანშია, ცულიც,

ამ ხის ტოტისგან გათლილი ტარით,

დღესასწაულზეც სისხლით ლოთები,

თუკი გადამხმარ ხეზე ცოცავენ, –

მართლა არ მესმის, ხმელი ფოთლები

ამ დღეს, ერთმანეთს, რას ულოცავენ.

.

გუჯა ბიძია.

.