“სულთათანა”

..

დავდებ აქაც.

ვიღაც მოცლილი შემოეხეტება , ისეთი, დრო რომ დაეკარგა, ან დროს რომ დაეკარგა , ნახავს, და ვინც ნახავს, მინდა იცოდეს, რომ იმაზე მეტი მნიშვნელოვანი რაც მის სულში ხდება, ამ წუთს, და ამ წამს, არც არაფერი არ არის ამ ქვეყანაზე.

ეს სონეტთა გვირგვინი პირველად 2014 წელს გამოვაქვეყნე.

სონეტთა გვირგვინი -,ანუ სონეტთა ერთობლიობის განსაკუთრებული ფორმა, 15 სონეტისაგან შედგება. პირველი სტრიქონი მეორე სონეტისა, უნდა იმეორებდეს პირველი სონეტის ბოლო სტრიქონს, მესამე სონეტის პირველი სტრიქონი , მეორე სონეტის ბოლო სტრიქონს და ასე შემდეგ. მეთოთხმეტე სონეტი მთავრდება პირველი სონეტის პირველი სტრიქონით , და საბოლოო , მეთხუთმეტე სონეტი უნდა შედგებოდეს , წინა თოთხმეტი სონეტის პირველი სტრიქონებისგან .

არსებობს იტალიური, ფრანგული და ინგლისური, ანუ “შექსპირისეული ” ტიპის სონეტი,

რითმათა შემდეგი თანმიმდევრობით. abab cdcd efef gg .

სწორედ ამ ფორმით წარმოგიდგენთ “სულთათანას”

…

მოქმედი პირები:

1.სული – სხეულში მყოფი ენერგია.

2.შავჩოხიანი – სულის სტუმარი (მწუხარება, ტანჯვა )

3.თეთრჩოხიანი – სულის სტუმარი (სიხარული, ბედნიერება )

4 .წამი – დრო , როცა შემთხვევითობა დგება

5. შემთხვევითობა – შუამავალი მოცემულ დროში სულსა და მის სტუმრებს შორის.

6. სხეული – სულის სამყოფელი დროის მოცემულ მონაკვეთში, შემთხვევითობის დადგომის წინ და მერე.

და რის შესახებაა?

როგორც სიტყვაა ფიქრის შედეგი, ისე ადამიანის სულიც, სრულ მოცემულობამდე , ყოველწამობრივი მეტამორფოზით მიდის.

წამის განმავლობაში იბადება, ან კვდება , წამის განმავლობაში ბერდება, ან ცხოვრებას იწყებს თავიდან, წამის განმავლობაში მძიმდება, ან მსუბუქდება კვლავ.

და სანამ სხეულის ფიზიკური გარდაცვალების შემდეგ მარადიულ, ერთგვაროვან, უცვლელი სიდიდის მდგომარეობაში გადავიდოდეს, უსასრულო რაოდენობის ასეთ წამს განიცდის .

მთელი სიცოცხლე გრძელდება სულის სულთათანა.

—

ესალმებიან კვლავაც ერთმანეთს, უხმოდ, თავდაკვრით,

ადრე მოსისხლე მტრებად გაყრილნი ერთად დგებიან ,

მარადისობის ორი მსახური, წესების დაცვით,

ერთმანეთს ახლაც, ძალდატანებით ესალმებიან.

შავჩოხიანი თეთრჩოხიანის გახედავს ნაბადს,

ზეწრად გადაშლილს თვალს აარიდებს , გადგება განზე,

თავის მოსასხამს ასწლეულობით ნატარებს, ნაცადს,

მხრებზე იტოვებს, შემოწებებულს თითქოსდა ტანზე.

თითქოს და ხვდება, აქ არ მოუწევს ჭიქის წაქცევა,

ხვდება, არ უნდა მისი დანახვა , მას, ვისაც უჭირს,

თერთჩოხიანის მანსპინძელივით ყოფნას და ქცევას

მიჩვეულია , ბევრჯერ უნახავს, და აღარ უკვირს,